Utafiti wa TWAWEZA Waibeba CCM.....Kama Uchaguzi Ungefanyika Leo asilimia 66% walisema Magufuli, 25% walisema Lowassa.

Taasisi ya Twaweza imetoa utafiti wake ambao inasema imefanya kwa wananchi wa Tanzania bara kutoka mikoa tofauti ya Tanzania. 

 

Swali la kama uchaguzi ungefanyika leo, ungempigia kura mgombea wa chama gani? wanasema watu wamejibu kama ifuatavyo

CCM - 66%

CHADEMA - 22%

CUF - 1%

ACT wazalendo - 0%

UKAWA - 3%

Kingine - 6%

Hakuna jibu 2%

Credit:Mpekuzi

 

Read more

on Tuesday, 22 September 2015 No Comments

Tuesday, September 22, 2015 Picha: Magufuli Apokelewa Kishujaa Bukoba Mjini

Umati wa wakazi wa manispaa ya Bukoba wakiwa wamefurika katika viwanja vya Gymkhana kumsikiliza mgombea Urais kupitia CCM Dk. John Pombe Magufuli .

 Mgombea Urais kupitia CCM Dk. John Pombe Magufuli akihutubia wakazi wa manispaa ya mji wa Bukoba ambapo aliwaambia wananchi hao kuwa akichaguliwa kuwa Rais wa jamhuri ya Muungano wa Tanzania atahakikisha bei ya Kahawa inapanda, ujenzi wa viwanda mbali mbali katika kukuza uchumi na ajira. 

 Mgombea Urais kupitia CCM Dk. John Pombe Magufuli akisisitiza jambo wakati akihutubia wakazi wa Bukoba mjini.

Wakazi wa Bukoba mjini wakimsikiliza Mgombea Urais kupitia CCM Dk. John Pombe Magufuli.

Huo ndio umati ukimsikiliza Mgombea Urais kupitia CCM Dk. John Pombe Magufuli 

 Mgombea Ubunge wa Jimbo la Bukoba mjini Ndugu Hamis Kagasheki akihutubia kwenye mkutano wa kampeni za CCM ambazo mgombea Urais kupitia CCM Dk. John Pombe Magufuli alihutubia.

Msanii Bushoke akitumbuiza wakazi wa manispaa ya Bukoba kwenye mkutano wa kampeni za CCM ambao mgombea Urais kupitia CCM Dk. John Pombe Magufuli alihutubia.

Yamoto Band wakishambulia Jukwaa kwenye mkutano wa kampeni za CCM Bukoba.

 Fid Q akishambulia jukwaa na nyimbo za hiphop wakati wa mkutano wa kampeni za CCM Bukoba mjini.

 Diomond Platnumz akishambulia jukwaa kwenye kampeni za CCM Bukoba mjini.

Halima Bulembo Mbunge mteule kupitia vijana akihutubia wakazi wa Bukoba kwenye mkutano wa kampeni kulia kwake ni mbunge mteule anayewakilisha wazazi kutoka mkoa wa Bukoba Oliva Semguruka.

 Mr.Blue akitumbuiza kwenye mkutano wa kampeni za CCM Bukoba.

Wanaume TMK wakishambulia jukwaa kwenye kampeni za CCM Bukoba mjini.

 

 

Credit:Mpekuzi
 


 

 

 

Read more

on No Comments

CHADEMA Wachangisha Milioni 97 za Kampeni...... Mbowe Asema Wako Matajiri Watano Ambao Wameapa Kukipigania Chama

Mwenyekiti wa Chadema, Freeman Mbowe amesema chama chake kina watu watano wenye uwezo wa kiuchumi wanaoweza kukisaidia chama hicho kuendesha shughuli zake za kampeni, ikiwa ni siku 32 kabla ya wananchi kupiga kura Oktoba 25.

Lakini mwenyekiti huyo wa Chadema amesema watu hao hawataki kutangazwa majina yao kutokana na kuhofia kufuatiliwa na vyombo vya dola, akisema kitendo hicho ni cha kushangaza kwa nchi huru kama Tanzania.

Chadema, ambayo inashirikiana na NLD, CUF na NCCR Mageuzi chini ya mwamvuli wa Umoja wa Katiba ya Wananchi (Ukawa) iliandaa harambee hiyo juzi kwenye ukumbi wa Mlimani City kwa ajili ya kutafuta fedha za kuchangia shughuli zao za kampeni zinazoendelea kote nchini.

Katika hafla hiyo iliyohudhuriwa na takriban watu 800, jumla ya Sh97 milioni zilikusanywa, ikiwa ni fedha taslimu, michango kwa njia ya simu na ahadi.

Baada ya kazi ya uchangishaji kuanza, Mbowe alishika kipaza sauti na kueleza michango mingine kutoka nje ya ukumbi huo.

“Wakati tunaendelea na uchangiaji hapa, nimepokea simu kutoka kwa rafiki zangu watano wenye uwezo mkubwa kiuchumi. Wameahidi kuchangia harambee lakini wanaogopa kujulikana kwa kuhofia mkono wa serikali,” alisema mwenyekiti huyo.

“Inasikitisha Mtanzania mwenye uhuru ndani ya Taifa lake anahofia kuchangia safari ya mabadiliko kwa sababu ya kuiogopa Serikali, wakati Serikali iliyopo imejaa mafisadi wakubwa?

“Unaweza kuona hii ni Serikali ya namna gani, lakini ningewaomba niwatie moyo tu ndugu zangu wenye nia ya mabadiliko, tuwe na ujasiri, msiogope.”

Sheria ya Gharama za Uchaguzi, ambayo mwaka huu imeweka kiwango cha juu cha matumizi ya kila chama kuwa Sh17 bilioni, inataka uwazi wa vyanzo vya mapato na matumizi, lakini ni nadra kwa wafanyabiashara kuweka bayana michango yao kwa vyama vya upinzani.

Chadema imekuwa ikinufaika na michango ya fedha na mali kutoka kwa mfanyabiashara maarufu nchini, Mustapha Sabodo, ambaye amekuwa akitangaza hadharani kila anapokichangia chama hicho.

Alipoulizwa ni kiasi gani chama hicho kimepanga kutumia kwenye uchaguzi, Mbowe alisema ni vigumu kutaja.

“Uchaguzi ni dynamic (unabadilikabadilika). Hesabu za siku haziwezi kuwa sawa wakati wote. Kwa mfano bango la kupinga bao la mkono, inahitajika sana kwa wakati huu lakini gharama inaweza kuwa nyingine wakati wa kusambaza bango jingine,” alisema Mbowe.

Mkurugenzi wa mipango na uchaguzi wa CUF, Shaweji Mketo alisema kila chama ndani ya umoja huo kinajitegemea kwenye gharama za wagombea wake kwa ngazi ya majimbo na udiwani.

“Hakuna tathmini ya pamoja ya Ukawa...taarifa za gharama kwa CUF tutaziweka wazi baada ya kukamilisha majumuisho ya taarifa zote kutoka majimboni na ngazi ya madiwani,” alisema Mketo.

Akifungua harambee hiyo, Mbowe alisema mikoa iliyosalia ni mingi kwa hivyo bado wanategemea zaidi michango ya wadau katika kufanikisha kampeni.

Mbowe alisema muda uliobakia ni wa “vita ya lala salama”, ambayo inahitaji bajeti ya kutosha ili kufanikisha kufikia wapiga kura wengi watakaoshiriki uchaguzi huo.

“Ukichangia harambee hii hautakuwa umemchangia Mbowe au Lowassa, bali utakuwa umechangia ufanikishaji wa kufikia ndoto ya mabadiliko. Utakuwa umechangia ukombozi wa akina mama na vijana wa Taifa la Tanzania,” alisema Mbowe.

“Tangu kuanza kwa kampeni hizi, Ukawa tumekuwa tukisaidiwa na Watanzania mbalimbali wenye nafasi zao, wapo waliotoa usafiri wa magari ya kufanyia kampeni. Kwa hivyo tunahitaji sana mchango wako katika kipindi hiki.”

Chadema pamoja na Ukawa zimekuwa zikipambana sambamba na CCM kwenye kampeni za urais na ubunge na matumizi yao makubwa yanaonekana kuwa katika gharama za safari za wagombea, matangazo ya redio na televisheni, matangazo ya moja kwa moja ya mikutano yao ya kampeni, posho za mawakala na vifaa kama mavazi, bendera, vipeperushi na mabango.

Akizungumza kwenye hafla hiyo, mwenyekiti mwenza wa Ukawa, James Mbatia, ambaye ni pia ni mwenyekiti wa NCCR-Mageuzi, aliwataka waalikwa kuhakikisha wanashiriki kikamilifu kuchangia harakati za mabadiliko ili kufanikisha ndoto za kuwakomboa Watanzania kutoka mikononi mwa Serikali ya CCM.

Mwingine aliyezungumza na waalikwa ni mgombea mwenza wa urais, Juma Duni Haji, maarufu kwa jina la Babu Duni, ambaye alikuwa kivutio kutokana na vijembe na misemo anayotoa wakati akiwa jukwani.

Duni alisema kutoa ni moyo na siyo utajiri kwani wapo wenye fedha nyingi, lakini hawana moyo wa utoaji.

Credit:Mpekuzi

Read more

on No Comments

Tuesday, September 22, 2015 Magufuli Alalamika Kuhujumiwa: Asemna Kuna WanaCCM Wanamuunga Mkono Mchana, Ikifika Usiku Wanawaunga Mkono Wapinzani

Hatimaye mgombea urais kwa tiketi ya Chama Cha Mapinduzi (CCM), Dk. John Magufuli, ameibuka hadharani na kuzungumzia tatizo la kuwapo kwa baadhi ya wafuasi wa chama chake kumhujumu kwa kuunga mkono harakati za upinzani.

Akizungumza kwenye viwanja vya Zimbiilo, Wilaya ya Muleba Kusini jana, Magufuli alisema anatambua kuwapo kwa baadhi ya wanaCCM wanaojionyesha kumuunga mkono nyakati za mchana lakini inapofika usiku hubadilika na kuwaunga mkono wapinzani.

“Naomba na nyinyi msiniangushe maana wengine mchana mnakuwa CCM, usiku mnahamia vyama vingine, mimi nina moyo kama nyie jamani msiponichagua nitakwazika sana Wanamuleba,” alisema Magufuli.

Hivi sasa, Magufuli amekuwa akichuana vikali na Waziri Mkuu wa zamani, Edward Lowassa wa Chama cha Demokrasia na Maendeleo (Chadema) anaeywakilisha pia muungano wa vyama vinavyounda Umoja wa Katiba ya Wananchi (Ukawa) vya NLD, NCCR-Mageuzi na Chama cha Wananchi (CUF). Wote wawili wamekuwa wakivutia maelfu ya wananchi karibu katika kila mikutano yao ya kampeni kuelekea Uchaguzi Mkuu Oktoba 25.

Kadhalika, Mwenyekiti wa Jumuiya ya Wazazi Taifa, Abdalah Bulembo, alizungumzia pia tatizo hilo la kuwapo kwa wanachama wa CCM  ambao wamekuwa wakisaidia kwa kificho kampeni za mgombea urais kwa tiketi ya Ukawa, Lowassa.

Bulembo alifichua hayo wakati akizungumza kwenye mkutano wa kumnadi Dk. Magufuli katika Jimbo la Bukoba Vijijini.

Akieleza zaidi, Bulembo alisema ana ushahidi kwamba ziara ya Lowassa mkoani humo iliratibiwa na baadhi ya viongozi wa chama hicho na hivyo akawataka kuamua moja, ama kuitumikia CCM kwa dhati au kuondoka CCM mara moja na kumfuata Lowassa.
 
 “Msidhani hatuwafahamu. Mikakati yote na namna mnavyofadhili Ukawa na Lowassa tunafahamu, tena tunawafahamu kwa majina na nawaambia ole wenu... msipoondoka wenyewe, tutawafukuza baada ya Dk. Magufuli kushinda,” alisema Bulembo ambaye pia ni Mjumbe wa Kamati Kuu ya CCM.

“Anayempenda Lowassa na Ukawa avue magwanda ya CCM na awafuate huko. Hatutaki watu ambao mchana ni CCM usiku ni Lowassa… hili ni gari kubwa. Wengine wanashuka, wengine wanapanda,” alisema Bulembo.

Alisema yeyote mwenye kinyongo na CCM hafai kubaki ndani ya chama hicho kwa sababu (chama hicho) kina wanachama wengi na hakiangalii uwezo wa mtu kifedha.

“Tunawajua mnaomng’ang’ania Lowassa. Lakini nawahakikishia kuwa mtalia baada ya uchaguzi wa mwaka huu...  mnajifanya CCM lakini mnafadhili upinzani,  mwisho wenu unakuja,” alisema Bulembo.

Credit:Mpekuzi

Read more

on No Comments

VIDEO: Mbowe Ajibu Malalamiko ya Viongozi wa NCCR-Mageuzi

MWENYEKITI Chama cha Demokrasia na Maendeleo (Chadema) ambaye pia ni mwenza wa vyama vinavyounda Umoja wa Katiba ya Wananachi (UKAWA), Freeman Mbowe amesema, wanaoleta chokochoko ndani ya umoja huo walitaka upendeleao.

Kauli ya Mbowe inakuja siku mbili baada ya Makamu Mwenyekiti wa NCCR-Mageuzi, Leticia Ghati Musore na katibu mkuu wa chama hicho Mosena Nyambabe kudai kwamba “Chadema imejipa umiliki wa UKAWA.”

Wakizungumza mbele ya waandishi wa habari viongozi hao wa NCCR-Mageuzi walimtuhumu mwenyekiti wao James Mbatia ‘kutekwa’ na Chadema na kwamba, ameshindwa kukitetea chama chao kwa kile walichosema kumezwa katika umoja huo.

Akizungumza na waandishi jana, Mbowe alisema viongozi hao wana jambo lingine nje ya yale waliyoyatamka hadharani na kwamba, kubwa ni kutaka kupewa upendeleo wa kugombea majimbo licha ya kukosa sifa.

“Tulikubaliana kuwa ili chama kipewe jimbo tutaangalia matokeo ya chama 2010, tutaangalia madiwani wa chama husika katika jimbo, mtandao wa chama pia matokeo ya uchaguzi wa vijiji na mitaa 2014 pamoja na mtandao wa ushindi wa mgombea” alisema Mbowe.

Mbowe alisema majimbo ambayo Nyambabe na Leticia wamekuwa wakiyang’ang’aniwa kugombea licha ya kutokuwa na sifa ni Segerea la jijini Dar es Salaam ambalo walipewa CUF na Jimbo la Serengeti lililopo Mara ambalo limekabidhiwa kwa Chadema.

“Nyambabe alihitaji kugombea Jimbo la Serengeti ambako Chadema ilishinda vijiji 38 lakini NCCR haikushinda hata kijiji kimoja katika uchaguzi wa vijiji, Chadema ina madiwani 8 NCCR haina hata mmoja, Nyambabe amegombea jimbo hilo mara mbili kwa vyama tofauti lakini hakupata hata asilimia 5, tungempaje hapo?” alihoji Mbowe.

Kwa upande wa Musore, Mbowe alieleza kwamba mwanamama huyo aliomba aachiwe kugombea katika Jimbo la Segerea ambako NCCR haina mtandao wa ushindi wala nguvu “jambo hili UKAWA tulilipinga.”

“Musore tunamfahamu aliwahi kuwa diwani wetu Tarime, hakujijenga wala kujenga NCCR, katika Jimbo la Segerea pia lakini akawa anataka tumzawadie jimbo kama makamu mwenyekiti taifa, hapana! tunataka kushinda hatuwezi kufanya uamuzi tunaojua wananchi wataukataa,” alisema Mbowe.

Hata hivyo alisema UKAWA bado wanaendelea na utatuzi wa migogoro iliyojitokeza katika majimbo na kwamba mambo yatakuwa mazuri muda si mrefu.

“Huu ni muungano wa vyama vinne, lazima kutofautiana kuwepo lakini kamwe hatuwezi kushindwa kuelewana katika maeneo machache yaliyobaki na hivi tunavyoongea Profesa Baregu, Salum Mwalimu, Bashage na viongozi wa CUF taifa wameelekea majimbo yenye shida,” alisema  Mbowe.

Baadhi ya majimbo yaliyo na utata ni Mtwara Mjini, Kigamboni, Itilima (Simiyu), Masasi, Mtama (Lindi), Ngara na Sikonge.

Msikilize Mbowe akiongea 

 

 

 

Credit:Mpekuzi

Read more

on Sunday, 20 September 2015 No Comments

Chadema Yamvaa Bulembo Aliyesema CCM Haiko Tayari Kukabidhi IKULU Kwa Wapinzani

KAULI ya Mwenyekiti wa Jumuiya ya Wazazi ya Chama Cha Mapinduzi (CCM), Abdallah Bulembo kwamba “CCM haitafanya makosa kukabidhi Ikulu kwa wapinzani” imezua mjadala.

Bulembo alitoa kauli hiyo kwenye mkutano wa kampeni za urais wa mgombea wa chama chake Dk. John Magufuli Kigoma.

“Serikali imefanya makosa mengi na Chama Cha Mapinduzi kimefanya makosa mengi lakini hakitofanya kosa la kuruhusu chama pinzani kuingia Ikulu,” alisema Bulembo.

Akizungumza na waandishi wa habari jana kwenye Ngome ya UKAWA, Jijini Dar es Salaam, Mwenyekiti wa Chadema, Freeman Mbowe alimtaka Mwenyekiti wa Tume ya Uchaguzi (NEC), Jaji Damian Lubuva kukemea kauli hiyo.

Pamoja na hivyo Mbowe aliitaka CCM kufuta kauli kwa kuwa ni ya uchochezi ambayo inatoa tafisiri ya kutokuwepo umuhimu wa kufanya uchaguzi.

Mbowe alisema kuwa, tangu kutolewa kwa kauli hiyo, hakuna hatua yoyote iliyochukuliwa na NEC wala kiongozi yoyote wa CCM aliyekemea au kuzungumzia na kuwa “inaonekana ni mipango ya chama hicho.”

Alisema kuwa, kauli hiyo ingetolewa na chama pinzani NEC isingevumilia na ingechukua hatua haraka.

Hata hivyo alisema CCM inalindwa na sheria mbovu na kandamizi na kuwa, zinahitajika kuondolewa.

Alifafanua kuwa, mfano wa sheria hiyo ni kutangazwa kwa matokeo ya urais ambapo kwa mujibu wa sheria hayapingwi mahakamani.

Msikilize  Mbowe  akiongea  hapo  chini 

 

 

 

Credit: Mpekuzi

Read more

on No Comments

Makamba: Watanzania Mchagueni Magufuli

KATIBU Mkuu mstaafu wa Chama Cha Mapinduzi (CCM), Yusuph Makamba amewaasa Watanzania kutofanya makosa kwa kumchagua Mgombea Urais wa Chama cha Demokrasia na Maendeleo (Chadema), Edward Lowassa kuwa Rais wa Tanzania na badala yake wamchague Dk John Magufuli ambaye ni kiongozi makini anayejali shida za wananchi.

Akizindua kampeni za Jimbo la Mtera Kijiji cha Nagulo Kata ya Mpwayungu, Makamba alisema Dk Magufuli ni kiongozi anayekerwa na matatizo ya watu na kuyatatua.

Makamba alidai kuwa mgombea wa Chadema anadai kukerwa na matatizo ya watu, lakini wakati akiwa Waziri wa Ardhi alipora Ranchi ya Mzeli na kuifanya yake na familia yake.

Alisema hakuna zawadi nzuri, itakayoonyesha shukrani kwa Rais Jakaya Kikwete kwa mema aliyoyafanya katika uongozi wake, zaidi ya kuchagua viongozi wanaotokana na CCM kuanzia nafasi ya urais, ubunge na udiwani.

“Livingstone Lusinde nimemlea mwenyewe, najua utendaji wake wa kazi na jimbo la Mtera limesikika na kupata umaarufu kwa sababu yake, hivyo ni vyema mkamchagua tena ili aendeleze na kumaliza yale aliyoyaanza,” alisema.

Kwa upande wake, Lusinde aliwataka viongozi wa dini waiombee nchi ili uchaguzi ufanyike kwa amani na kutoa mwito kwa viongozi wote dini nchini kuomba ili uchaguzi umalizike kwa amani na Rais bora apatikane.

Credit:Mpekuzi

Read more

on No Comments

Lowassa kuiteka tena Dar es Salaam LEO

MGOMBEA urais wa Chadema na anayeungwa mkono na vyama vinavyounda Umoja wa Katiba ya Wananchi (UKAWA), Edward Lowassa anatarajia kuliteka tena Jiji la Dar es Salaam leo  katika mikutano mitatu.

Lowassa anarejea tena jijini Dar es Salaam mara baada ya kufanya mikutano kwenye majimbo ya Kawe na Kibamba Septemba 7 mwaka huu na kunadi wagombea wa majimbo hayo.

Lowassa alimnadi John Mnyika wa Kibamba na Halima Mdee wa Kawe kabla ya kuelekea visiwani Zanzibar katika uzinduzi wa Kampeni za Urais za Maalim Seif wa CUF.

Jijini Dar es Salaam leo Lowassa anatarajia kufanya mikutano yake katika Jimbo la Ukonga, Kigamboni na jimbo jipya la Mbagala ambapo maandalizi tayari yamekamilika.

Lowassa ataanzia Jimbo la Kigamboni saa 3:00 asubuhi, saa 6:00 mchana atakuwa katika Jimbo la Mbagala na atamalizia kwenye Jimbo la Ukonga saa 9:00 alasiri.

Sambamba na viongozi wengine Lowassa ataambatana na timu nzima ya kampeni ya UKAWA akiwemo Waziri Mkuu Mstaafu, Fredrick Sumaye; aliyekuwa Mwenyekiti wa CCM Mkoa wa Shinyanga, Hamis Mgeja; meneja wa kampeni John Mrema pamoja na mwenyekiti wa Chadema-Taifa, Freeman Mbowe.

Lowassa anaingia Dar es Salaam akiwa tayari amezunguka kwenye mikoa 15 ya Tanzania ikiwemo Dodoma, Geita, Kagera, Geita, Shinyanga na Iringa huku mikoa ya Lindi, Mtwara, Pwani, Arusha na mingeneyo ikiwa bado kufikiwa.

Credit:Mpekuzi

Read more

on No Comments

Marekani Yatoa Angalizo uchaguzi Mkuu wa Tanzania

Siku moja tu baada ya Umoja wa Ulaya (EU) kutabiri kuwapo kwa ushindani mkali katika uchaguzi mkuu nchini utakaofanyika Oktoba 25, Serikali ya Marekani imeibuka pia na kutoa angalizo kuhusiana na uchaguzi huo unaohusisha wagombea urais saba wakiwamo Dk. John Magufuli wa Chama Cha Mapinduzi (CCM) na Edward Lowassa wa Chama cha Demokrasia na Maendeleo (Chadema).

Taarifa iliyotolewa jana kwa vyombo vya habari na Shirika la Changamoto za Milenia (MCC) linalomilikiwa na Serikali ya Marekani kwa ajili ya kusaidia nchi zinazoendelea, ilieleza kuwa Bodi ya MCC ina matumaini uchaguzi mkuu wa Tanzania utakaofanyika Oktoba 25 utakuwa huru na wa haki, hasa ikizingatiwa umuhimu mkubwa ambao MCC inauweka katika haki za kidemokrasia. 
 
Kadhalika, taarifa hiyo imemkariri Balozi wa Marekani nchini, Childress akisema (Marekani) wanatambua rekodi ya Tanzania katika kukuza demokrasia na kwamba, wanaunga mkono na kusaidia jitihada endelevu za Tanzania katika kuimarisha taasisi zake za kidemokrasia.

“Tunatarajia kuona uchaguzi ulio huru, wa haki, wa amani na ambao utawasilisha matakwa ya watu wa Tanzania,” alisema Balozi Mark Childress. 
 
Taarifa hiyo ya Marekani kuhusiana na uchaguzi mkuu nchini inatokana na mkutano wa Bodi ya Wakurugenzi ya MCC iliyokutana juzi kujadili masuala mbalimbali yakiwamo ya utoaji wa misaada kwa Tanzania. 

Mbali na Dk. Magufuli na Lowassa anayewakilisha pia muungano wa vyama vinavyounda Umoja wa Katiba ya Wananchi (Ukawa) vya NCCR-Mageuzi, NLD na Chama cha Wananchi (CUF), wagombea wengine wa nafasi ya urais wanaoendelea na kampeni kwa nia ya kumrithi Rais Jakaya Kikwete ni Fahmy Dovutwa wa UPDP, Hashim Rungwe wa Chaumma, Anna Mghwira wa ACT-Wazalendo, Chifu Lutasola Yemba wa ADC

Credit:Mpekuzi

Read more

on No Comments

Taarifa Ya CHADEMA-US Kukanusha Mbowe Kujisalimisha Kwa Dr. Slaa

Napenda kuchukua nafasi hii kukanusha taarifa ya uongo na uzushi iliyoenezwa kupitia mitandao ya kijamii  tarehe 18 Septemba 2015 iliyoanzia kwenye JamiiForums yenye kichwa cha habari “Mbowe asalimu amri kwa Dr Slaa”. 
 
Katika taarifa hiyo mwandishi amenitaja mimi Kalley Pandukizi kama mmoja wa viongozi wa CHADEMA tawi la DMV pamoja na viongozi wenzangu kuwa tumewapokea viongozi hao wa juu hapa Marekani na wapo katika hoteli moja Ohio kwa ajili ya mazungumzo binafsi.

Napenda kueleza umma kuwa taarifa hii si ya kweli, ni ya uongo na uzushi yenye lengo la kuhadaa umma wa Watanzania kuwa kuna mazungumzo kati ya viongozi hawa hapa Marekani. 
 
Pia ina lengo la kunichafulia jina mimi kama Mwenyekiti wa CHADEMA tawi la DMV.

Mwisho napenda kutoa wito kwa wanachama na wapenzi wa CHADEMA pamoja na UKAWA kwa ujumla wake, kupuuzia taarifa kama hizi zenye lengo la kupotosha na kuhadaa umma kwa malengo mabaya ya kisiasa, hasa katika kipindi hiki cha kuelekea kwenye Uchaguzi Mkuu unaotarajiwa kufanyika Oktoba 25.

Imetolewa na:-

Mwenyekiti wa CHADEMA - DMV, Marekani

Kalley Ammy Pandukizi

Credit:Mpekuzi

Read more

on No Comments

Serikali Kushusha Bei ya Umeme Ifikapo Oktoba Mwaka Huu

Serikali imesema bei ya umeme nchini inatarajiwa kushuka kwa kiwango kikubwa baada ya kuanza uzalishaji wa nishati hiyo kwa kutumia gesi asilia kutoka Mtwara hadi Kinyerezi, Dar es Salaam.

Waziri wa Nishati na Madini, George Simbachawene alisema hayo, Dar es Salaam, jana wakati akikagua mradi wa bomba la gesi na kuwashwa kwa mitambo ya kuzalisha umeme ya Ubungo II na Kinyerezi I.

Simbachawene alisema bei ya nishati hiyo itakuwa chini ili Watanzania wapate umeme wa uhakika.

“Jambo hili ni kubwa na la kihistoria kwa nchi hii kwa kitendo cha kuanza kutumia umeme wa gesi, tulipaswa kusimama hata kwa dakika tatu kusherehekea mafanikio haya kupitia mradi kubwa wa serikali uliogharimu dola za Marekani 1.22 bilioni,” alisema Simbachawene.

Alisema mitambo ambayo itawashwa kwa kutumia umeme wa gesi ni Ubungo II, Kinyerezi I na Tegeta ambayo kwa ujumla ndiyo itasaidia kutatua tatizo la mgao wa umeme kwa sababu awali ilikuwa haifanyi kazi kwa kukosa gesi.

“Kwa kiasi kikubwa mradi huu wa kufua umeme kwa gesi umekamilika nchini na ndani ya mwezi Septemba na Oktoba, mwaka huu, mitambo yote yenye uwezo wa kuzalisha megawati 335 itakuwa imewashwa na hivyo kuondoa tatizo la umeme hapa nchini, ”alisema Simbachawene na kuongeza:

“Juzi (Septemba 17) tuliwasha umeme wa jumla ya megawati 90 kutoka katika mitambo ya Tanesco ya kuzalisha umeme wa gesi ya Symbion na Ubungo II yenye urefu wa futi za ujazo wa bomba 20milioni na zoezi hili linaendelea hadi Oktoba 20, mwaka huu”.

Simbachawene alisema hilo litakuwa limekamilika kwa kuzalisha megawati 335 na nchi kuingia katika uchumi wa kati.

Credit:Mpekuzi

Read more

on No Comments

Wakenya Watatu Na Mtanzania Mmoja Wauawa kwa Ujambazi Arusha

Majambazi wane, wakiwemo raia watatu wa Kenya wameuwa na polisi mkoani Arusha baada ya kuhusika kufanya matukio mbalimbali ya ujambazi wa kupora silaha pamoja na fedha.

Akizungumza na waandishi wa habari mkoani Arusha, Kamanda wa polisi, Liberatus Sabas amesema kuwa majambazi waliouwawa watatu ni raia wa Kenya ambapo bado majina yao kamili hayajajulikana huku raia wa Tanzania ametambulika kwa jina la Sixtus Alfredy.

Kamanda Sabas amesema kuwa ,polisi walianza kujibu majibizano hayo ndipo walipofanikiwa kuua majambazi watatu ambao walikutwa na vitambulisho vitatu vya Jamhuri ya Kenya vyenye majina ya Simon Githinji Kariuki,Bonifas Mwanmgi Mbulu, Thadeo Kamau Njuguna na kitambulisho kimoja cha UN-ICTR chenye jina la Chacha John Marwa.

Vitambulisho vingine walivyokutwa navyo ni leseni ya udereva iliyotolewa Kenya yenye jina la Thadeo Kamau Njuguna , kadi ya Benki ya Equity Master Card yenye jina la Simon Githinji pamoja na kadi ya Benki ya Cooperative yenye jina la Thadeo Kamau Njuguna , simu tano aina ya Nokia , Tecno na Sumsung.

Amesema kuwa, majambazi hao watatu kila mmoja alikutwa na bastola pamoja na risasi , mabegi matatu meusi ambapo baada ya kuyafungua walikuta bunduki aina ya AK 47 mbili, SMG moja, bastola tatu, magazine nne za SMG, risasi 85 za SMG na AK 47 na risasi nyingine 28 za bastola.

Kamanda Sabas amesema kuwa, tukio hilo lilitokea jana Septemba 17 mwaka huu majira ya saa 3:30 usiku katika maeneo ya Chekereni wilayani Arumeru ambapo polisi walipata taarifa za kiintelejensia toka Agosti 19 mwaka huu juu ya kuwepo kwa kundi la majambazi wanaotoka nchi jirani ya Kenya na kuja hapa nchini kwa nia ya kufanya uporaji kwa kushirikiana na majambazi wenzao wa hapa nchini.

Alisema miili ya marehemu wote imehifadhiwa katika Hopsitali ya Mkoa ya Mount Meru huku jeshi la polisi likiendelea na uchunguzi zaidi wa kuwatafuta watuhimiwa wengine waliotoroka katika tukio hilo na kubaini mtandao wa majambazi hao.

Credit:Mpekuzi

Read more

on Friday, 18 September 2015 No Comments

Tume ya Uchaguzi yalaani mauaji wakati wa kampeni Tarime.....Yaliomba Jeshi la Polisi Kuchunguza Taarifa za Vijana 1500 Waliopewa Mafunzo ya Kijeshi

Kwa masikitiko na mshangao mkubwa, Tume ya Taifa ya Uchaguzi imepokea taarifa ya kutokea kwa mauaji katika Kijiji cha Mangucha Halmashauri ya Wilaya ya Tarime wakati wa Kampeni za Uchaguzi ambapo Bwana Mwita Bhoke Waitegi aliuawa.

Tume inakemea vikali na kwa nguvu zote ukiukwaji wa Maadili unaopelekea uvunjifu wa amani na kusababisha vurugu ambazo hatimaye wakati wa Kampeni mauaji yametokea.

Kwa mujibu wa Taarifa zilizopokelewa na Tume, pamoja na mambo mengine, kwa kiwango kikubwa kifo kilisababishwa na fujo, vurugu na kurupushani kati ya wafuasi wa Vyama vya CCM na CHADEMA.
 
 Vurugu na fujo hizo ni kinyume kabisa cha Maadili ya Uchaguzi ya 2015 yaliyotiwa saini na Vyama vyote vya Siasa vilivyosajili tarehe 27/08/2015.

Kwa mujibu wa Maadili ya Uchaguzi wa Rais, Wabunge na Madiwani ya mwaka 2015 kifungu cha 2.2 (a) Viongozi wa Vyama vya Siasa, Wagombea wao hawatakiwi kufanya fujo au kusababisha vurugu ya aina yoyote katika mkutano wa Chama kingine, (b) Viongozi wa Vyama vya Siasa, Wagombea wao hawatakiwi kutumia lugha ya matusi, kashfa, kejeli, udhalilishaji na vitisho au lugha inayochochea uvunjaji wa amani, au kuashiria ubaguzi wa kijinsia, ulemavu au maumbile, kwenye mikutano ya Kampeni.

Aidha, Maadili hayo kifungu (c) kinaeleza kuwa mtu yeyote haruhusiwi kuwa na/au kubeba silaha yoyote ikiwa ni pamoja na silaha za jadi au zana yoyote inayoweza kumdhuru mtu katika mkutano wa Kampeni au mkusanyiko wowote wa kisiasa, na kifungu (d) kinaeleza kuwa hairuhusiwi kuwa na/au kubeba sanamu, kinyago au kitu chochote ambacho kinaonyesha kudhalilisha, kukebehi au kufedhehesha Chama kingine cha Siasa au Kiongozi wake au Serikali katika mkutano au mkusanyiko wowote wa Kisiasa.

Kwa vile kutokana na kutozingatiwa kwa Maadili ya Uchaguzi, 2015 kifo kimetokea na baadhi ya wananchi, wanachama wa Vyama hivi vya Siasa kuumia, Tume kwa mara nyingine inakumbusha na kusisitiza Vyama vyote vya Siasa na Wanachama wao kuzingatia Maadili ya Uchaguzi ya 2015.

Tume pia imepata taarifa ya kuwepo kwa baadhi ya Vyama vya Siasa ambavyo vinaandaa vijana zaidi ya 1500 na kuwapa mafunzo ya kijeshi ili kufanya vurugu wakati wa Uchaguzi. 
 
Taarifa hizo japo ni za upande mmoja Tume inaliomba Jeshi la Polisi kuchunguza suala hilo na kuchukua hatua ili kudhibiti viashiria vyovyote vya uvunjifu wa amani. Hili nalo, Tume inalikemea kwa nguvu.

Chama chochote hakiruhusiwi kuwa na vikundi vya aina hii. Ni kinyume cha Sheria na Maadili ya Uchaguzi.

Imetolewa na:

Mh. Jaji (Mst.) Damian Z. Lubuva

MWENYEKITI

TUME YA TAIFA YA UCHAGUZI

Tarehe 18 Septemba, 2015

Credit:Mpekuzi

Read more

on No Comments

Viongozi wote wa CCM wa kata ya mkomazi na wapiga kura 1,400 wa CCM wahamia CHADEMA.

Viongozi wote wa CCM wa kata ya mkomazi na pamoja na wapiga kura 1,400 wa eneo hilo wilayani Korogwe wamejiunga na CHADEMA huku baadhi yao wakiamua kugombea nafasi mbali mbali za uongozi kwa tiketi ya chama hicho.
 

Wakizungumza katika mkutano wa kampeni ulifanyika katika kijiji cha mikocheni kilichopo kata ya mkomazi wilayani Korogwe baadhi ya viongozi hao pamoja na wengine wa CCM katika kata sita waliokatwa majina yao katika zoezi la kura za maoni kwa tiketi ya CCM wamesema  wameamua kujiunga na chadema pamoja na wapiga kura wao ili kuongeza nguvu kupata wawakilishi wa wananchi katika baraza la madiwani la halmashauri ya wilaya ya Korogwe.

Kwa upande wake katibu wa CHADEMA jimbo la Korogwe Bwana.Salim Sempoli amemuomba mwenyekiti wa tume ya taifa ya uchaguzi jimbo la Korogwe kuharakisha malalamiko ya wapiga katika baadhi ya vituo ambapo sehemu kubwa ya majina ya wapiga kura katika jimbo la Korogwe vijijini hayaonekani na hadi sasa hakuna utaratibu uliofanywa kusaidia tatizo hilo kwa sababu linaweza kuleta viashiria vya uvunjifu wa amani wakati wa zoezi la kupiga kura.

Kufuatia hatua hiyo mgombea ubunge kwa tiketi ya Chadema Emmanuel Kimea amewataka wananchi kuwachagua viongozi wa chama hicho kuanzia ngazi ya taifa,ubunge na udiwani kwa sababu ndani9 ya chama kikoja changamoto zinazowakabili katika kata ya mkomazi ikiwemo ya migogoro ya ardhi haiwezi kumalizika kama hawatafanya mabadiliko.

Credit:Mpekuzi

Read more

on No Comments

Kati ya Magufuli na Lowassa, ni Nani atatufaa Kwa siasa za Nje?

“Msifanye mabadiliko kwa pupa kama watu wa Libya. Walimuondoa madarakani rais Saddam, hapana rais Gaddafi maana Saddam alikuwa rais wa Kuwait!!”.

Sikuamini masikio yangu kwamba haya ni maneno yaliyotoka kinywani mwa mgombea urais kwa tiketi ya Chama cha Mapinduzi (CCM), Dk John Pombe Magufuli.

Alikuwa akiongea na wananchi wa Tanga katika mkutano wa kampeni akiwahadharisha Watanzania wasivichague vyama vya upinzani, kwa lengo la kufanya mabadiliko kwa sababu kufanya hivyo ni kuchagua bora mabadiliko wakati mabadiliko bora yatapatikana.

Nia yangu siyo kumfedhehesha mgombea huyu anayesifika kwa uadilifu na uchapakazi, lakini hivi kuna asiyejua kuwa Saddam Hussein hakuwa rais wa Kuwait bali Iraq? Kila mtu anajua hivyo, nashangaa tu kwamba mgombea wangu wa urais ama kweli hajui hili au hayuko makini katika masuala ya kimataifa.

Ninachokusudia ni kujaribu kuwahadharisha Watanzania kwamba zama hizi rais wa nchi haongozi ndani ya mipaka ya nchi hiyo pekee, bali anakuwa kiungo muhimu kati ya nchi yake na jamii ya kimataifa katika ulimwengu huu ambao sasa ni kama kijiji.

Moja ya mafanikio ya rais wa nchi yeyote ile duniani ni jinsi gani anazicheza karata zake kwenye medani ya kimataifa. Siasa za kimataifa siku hizi ni mchezo hatari, kiasi kwamba kama rais hazijui vizuri siasa za kimataifa kuna hatari ya kushindwa kutekeleza ilani na sera za chama chake awapo madarakani, kwa sababu ya misuguano na wale waitwao washirika wa maendeleo ambao ni nchi zilizoendelea.

Ukubwa wa hatari hii unazidi pale nchi yetu inapoingia katika uchumi wa mafuta na gesi asilia. Rasilimali mbili hizi zimeyaingiza mataifa yenye rasilimali hizo katika machafuko.

Kwa mujibu wa andiko, Oil and Diamonds as causes of civil war in sub-Saharan Africa, rasilimali ya mafuta na gesi zinaweza kuitia nchi katika machafuko. Lakini hilo hutegemea wingi wa rasilimali hiyo, sera na mikataba ya nchi husika kwa mataifa na mashirika wahitaji wa rasilimali hiyo kwa lugha rahisi wawekezaji.

Jingine ni uwezo wa kidiplomasia ya uchumi wa viongozi wa nchi yenye rasilimali kumudu hila, njama, migandamizo na vishawishi vya wawekezaji hao. Kwa maneno mengine, uwezo wa rais aliye madarakani katika kuongoza diplomasia na mataifa ya nje.

Mbali na rasilimali, uwezo wa rais katika diplomasia na mataifa ya nje ni mtaji muhimu katika kuvutia wawekezaji katika kile kijulikanacho kama mitaji ya moja kwa moja kutoka nje au ‘foreign direct investment (FDI)’, misaada mbalimbali kwa nchi na hata haiba ya nchi kimataifa.

Kwa kweli Rais wa Tanzania anayemaliza muda wake ameipaisha Tanzania katika medani ya kimataifa, ingawa mwishoni mwa utawala wake mataifa na wadau wa maendeleo walifikia kuzuia misaada yao kupinga kashfa mbalimbali, ikiwamo kashfa ya Tegeta Escrow iliyolitikisa Taifa.

Hatari iliyoko mkipata rais asiyejua changamoto zinazolikabili taifa katika siasa za kimataifa ni kuchukua maamuzi yanayoweza kuliingiza taifa katika hasara na hata katika migogoro ya ndani na nje.

John Perkins anaandika katika kitabu chake “The confession of an economic hitman” kwamba mashirika ya kimataifa hususan yale ya uchimbaji mafuta na gesi, huyaingiza mataifa katika lindi la madeni, umaskini na vita vya wenyewe kwa wenyewe.

Hapo ndipo unapoonekana umuhimu wa kuwapima wagombea wetu ili kuona ni nani anafaa kwa siasa za nje?
 
 Mwandishi wa makala katika gazeti mmoja litokalo kila siku hapa nchini, alimsifia Dk John Magufuli kwamba katika kipindi chake cha miaka 20 ya utumishi serikalini, amesafiri kwenda nje ya nchi mara nne !

Hii inaonyesha kuwa si mtu mbadhirifu kwani uchache wa safari za nje unathibitisha kuwa yeye siyo mwenye kufanya matumizi ya ovyo ovyo. Japo hili ni jambo zuri kwa upande mmoja, kwa upande wa kukuza uelewa wake katika medani za kimataifa, si jambo la kujivunia. Ziara za nje hupanua uelewa wa mtu katika diplomasia ya kimataifa.

Magufuli Vs Lowassa

Kupitia hotuba zake za kampeni mtu anaweza kupata wasiwasi juu ya uwezo wa Dk Magufuli kuhusu siasa za nje. Ule mfano wake maarufu wa kulinganisha mabadiliko ya Tanzania na yale yaliyotokea Libya umetoa picha hasi kwamba hajui vyema siasa za kimataifa.

Ukichanganya na kauli yake “mimi sifanyagi (sifanyi) siasa na kwa bahati mbaya naweza kuwa si mwanasiasa mzuri,” unapata shaka kama kweli atamudu siasa za kimataifa zilizojaa ulaghai, hila na mizengwe dhidi ya nchi changa. Ili kuwa rais zama hizi, inabidi uzijue vizuri siyo siasa za ndani bali hata zile za kimataifa.

Hili la kutokujua au kujichanganya kuhusu Saddam alikuwa rais wa nchi gani linaweza kuonekana jambo dogo, lakini kwa watu makini haiwezekani kwa mtu msomi wa kiwango cha uzamili tena aliyekuwa katika uongozi wa nchi kama waziri kwa muda mrefu, awe hajui Saddam alikuwa rais wa nchi gani. Ni dalili kwamba kuna upungufu mkubwa kwenye uelewa wa mambo ya kimataifa kwa mgombea wetu huyu.

Lowassa kwa upande wake hatujamsikia akizungumzia lolote kuhusu masuala ya kimataifa, licha ya kuwa amewahi kuwa Waziri Mkuu na waziri wa kawaida kwa miaka mingi.

Nafasi hiyo bila shaka ilimpa uzoefu fulani katika medani ya kimataifa, kwa kuwa Waziri Mkuu ni msaidizi wa karibu wa rais kwenye mambo yote likiwamo la ushirikiano wa kimataifa. Aidha, Lowassa amesafiri mara nyingi nje ya nchi jambo linalompa fursa ya uelewa mpana kuhusu masuala ya nchi za nje.

Katika kampeni zake, tumemsikia akisema “sitosubiri misaada kutoka nje”. Hii ni kauli nzito kwa kuwa nchi hizi changa kama Tanzania haziwezi kabisa kuepuka misaada kutoka nje, ingawa pia hazitakiwi kuwa tegemezi kwani zina rasilimali nyingi.

Kuwa kwake Mkurugenzi wa Kituo cha Mikutano cha Kimataifa Arusha (AICC), bila shaka kulimwezesha kukutana na wanadiplomasia wengi wa kimataifa wakiwamo mabalozi, mawaziri wakuu, makamu wa marais na hata marais waliowahi kuhudhuria mikutano ya kimataifa katika ukumbi huo.

Tukumbuke kwamba, mchakato wa Ushirikiano wa Jumuiya ya nchi za Afrika Mashariki, utakuwa unaingia katika kipindi nyeti cha ushuru wa pamoja wa forodha na mamabo mengine ambapo masilahi ya nchi yetu itabidi yalindwe ipasavyo.

Ni wazi marais wa nchi jirani wanasubiri kwa hamu ni nani ataibuka Rais wa Tanzania, nchi ambayo ‘kistratejia’ imekaa vizuri kuliko nchi zote za Afrika Mashariki, lakini isiyokuwa na mikakati mizuri ya kufaidika na uwepo wake kijiografia.

Mataifa na mashirika ya nje kama vile Umoja wa Mataifa, Umoja wa Ulaya na mengineyo yatakuwa yanafuatilia kwa karibu uchaguzi wa Tanzania. Kwa hiyo wakati tukishangilia kauli za wagombea kuhusu jinsi watakavyoendesha siasa za ndani ya nchi, tusisahau kuna siasa za kimataifa ambazo zinaweza kukwamisha hata mipango yetu ya maendeleo, iwapo rais atakayechaguliwa hatokuwa na uzoefu au uelewa wa kutosha. 
 
Mwandishi:Mpunta Wadinya; dinyampuntaz@yahoo.com

Credit:Mpekuzi

Read more

on Wednesday, 16 September 2015 No Comments

Uhusiano Uliopo Kati ya PUNYETO na Ukosefu au Upungufu wa Nguvu za Kiume

Ukosefu  na/ama  upungufu  wa  nguvu  za  kiume, ni  tatizo  linalo  wakabili  mamilioni  ya  wanaume  duniani.

 

 Zipo  sababu  nyingi  zinazo  sababisha  tatizo  la  ukosefu  wa  nguvu  za  kiume.
 

Miongoni  mwa  sababu  hizo  ni  pamoja  na  maradhi  kisukari, presha,shinikizo  la  damu, moyo, figo, matatizo  kwenye  mishipa  ya  ubongo  &  mishipa  ya  uti  wa mgongo, matatizo  kwenye  mishipa itumikayo  kusafrisha damu  mwilini, maradhi  ya  ngiri,  pamoja  na   upigaji  punyeto  kwa  muda  mrefu.

Katika  makala  yetu  ya  leo, tutaangalia  namna   suala  la  upigaji  punyeto linavyo  athiri  nguvu  za  kiume.

Kabla  hatujaangalia  namna  suala la upigaji  punyeto linavyo  maliza  nguvu  za  kiume, ni  vyema  tukafahamu  kwanza  kuhusu  SAYANSI  YA  MFUMO  WA  NGUVU  ZA  KIUME.

Kufahamu   kuhusu   SAYANSI  YA  MFUMO  WA  NGUVU  ZA  KIUME  tafadhali  tembelea :

http://neemaherbalist.blogspot.com/2015/07/uhusiano-kati-ya-damu-na-tatizo-la.html

Ukisoma  vizuri  kuhusu  mfumo  wa  nguvu  za  kiume, utagundua  kuwa   Suala  la  nguvu  za  kiume  ni  suala  la  kimfumo. 

 

 Ili  mwanaume  awe na nguvu  za  kiume, aendelee  kuwa  na  nguvu  za  kiume na  azilinde  nguvu  zake za  kiume, ni  lazima  ogani  zote zinazo  husika  na  mfumo  wa  nguvu  za  kiume  ziwe  na  afya  njema  na  ziwe  na  ushirikiano   thabiti  na  wenye  afya.

Vile  vile , utagundua  kuwa , mambo  makuu  muhimu  katika   mfumo  wa  nguvu  za  kiume  ni  kama  ifuatavyo:

i. Mishipa  imara  ya  ubongo  na  yenye  afya  njema

ii.Mishipa  imara  ya  uti  wa  mgongo  (  spinal  cords )

iii.Mishipa  imara  itumikayo  kusafirisha  damu  mwilini  (  Blood Vessels )

iv. Mfumo  imara  wa  usafirishaji  damu  mwilini

v. Mishipa  ya  uume  iliyo  imara  na  yenye  afya  njema

vi.Uhusiano  imara  na  wenye  afya  kati  ya  mishipa  ya  fahamu  iliyopo  katika  ubongo, mishipa  ya  kwenye  uti  wa  mgongo  pamoja  na  misuli & mishipa  ya  kwenye  uume.

Hivyo  basi, ili  mwanaume  aweze  kuwa  na  nguvu  imara  za  kiume, na  aendelee  kuwa  na  nguvu  hizo ni  lazima  mambo  yote  muhimu  katika  mfumo  wa  nguvu za  kiume  yawe  imara  pasi na  hitilafu  yoyote.

Hitilafu  yoyote  katika  mambo  hayo, itasababisha  ukosefu na/ama  upungufu wa  nguvu  za  kiume  kwa  mwanaume  huyo.  Pale inapotokea    hitilafu  ama  mapungufu  katika  ogani  zaidi  ya  moja  kati  ya  zilizo  tajwa hapo  juu, basi  tatizo  kwa  muhusika  huwa  kubwa  mara  dufu.

JINSI  PUNYETO  INAVYO  SABABISHA  TATIZO  LA  UKOSEFU &  UPUNGUFU  WA  NGUVU  ZA  KIUME.

Mwanaume   anapopatwa na  wazo  la  kufanya  tendo  la  ndoa, ubongo  hutoa  ishara  kwenye  mishipa  ya  uti  wa  mgongo  ambayo  nayo  husafirisha  taarifa  hadi  kwenye  mishipa &  misuli  ya  uume.

Mishipa  ya  uume inapopokea  taarifa  hiyo, hutanuka. Na  mishipa  ya  uume  inapotanuka, hufanya  mambo  mawili  muhimu  sana :

i. Husababisha  mishipa  ya  ateri  kupanuka  na  hivyo  kuruhusu  damu  kuingia kwa  kasi  sana   ndani  ya  mishipa  ya  uume  na  hivyo  kuufanya  uume  usimame  na  kuwa  imara  bara bara.

ii.Huibinya na  kuiziba  mishipa  ya  vena  na  hivyo  kuzuia  kunyonya  ama  kufyonza  damu  iliyo  ingia  ndani  ya  mishipa ya  uume. 

 

 (  KAZI  KUBWA  YA  MISHIPA  YA  VENA  ILIYO  KARIBU NA  MISHIPA  YA  UUME  NI KUHAKIKISHA  HAKUNA  DAMU NDANI YA  MISHIPA  YA  UUME. HIVYO  BASI  DAMU  INAPOINGIA  NDANI YA  MISHIPA  YA  UUME, MISHIPA  YA  VENA  HU “SENSE” JAMBO  HILO  KWA  HARAKA  NA HIVYO  KUIFYONZA  DAMU  HIYO  KUTOKA KWENYE MISHIPA  YA UUME  YA  KUITOA  NJE YA MISHIPA  YA  UUME.  NA  DAMU INAPOKOSEKANA  NDANI  YA  MISHIPA  YA  UUME, HUUFANYA  UUME  KUSINYAA  NA  KULEGEA )

Mtu  anayepiga  punyeto  husababisha  mambo  yafuatayo  katika  mwili  wake :

1.Huuwa  nguvu  ya  mishipa  & misuli ya  uume ambayo  ndio  inayo husika  na  kusimama  kwa  uume

2.  Mishipa  ya   uume  inapo  sinyaa  na  kukosa  nguvu  yake  ya  asili, husababisha  mambo  yafuatayo :

i. Huondoa  uwezo  wa  mishipa  &  misuli  ya  uume  kutanuka, na  hii  ndio  sababu  inayo  wafanya  waathirika  wa  punyeto  kutumia  nguvu  nyingi  sana  katika  kuufanya  uume  usimame.

ii. Huondoa  uwezo  wa  mishipa &  misuli  ya  uume  kuibana  na  kuiziba  mishipa  ya  vena, na  hii ndio  sababu  inayo  fanya  waathirika  wa  punyeto  kufika  kileleni  haraka  sana, kwani damu  inayo  ingia  kwenye misuli  ya  uume   hufyonzwa  ndani ya  muda  mfupi sana. 

 

 Hii  hutokea  kwa  sababu  mishipa na  misuli  ya  uume inakuwa  imelegea,na  mishipa  ya  vena inakuwa  imepwaya, hivyo  msuguano wowote ule  hufanya  mishipa  ya  vena  kufunguka  na  kufyonza  damu  kutoka  kwenye mishipa  ya  uume  na hivyo  kuufanya  uume  kusinyaa  ndani ya dakika ama sekunde  chache sana.

3. Vile  vile  punyeto  hufanya  uume  kusinyaa na  kurudi ndani  na  kuufanya  uonekane kama  uume  wa  motto mdogo.

Kwa  ufupi  punyeto  husababisha  ukosefu  wa  nguvu  za  kiume  kwa  sababu  kuu  zifuatazo :

i. Kwanza   hudhoofisha  na  kuharibu  mishipa  ya  uume,  ambayo  ndio  hufanya  uume kusimama.

ii.Pili  hudhoofisha  utendaji  kazi  wa  mishipa  ya  ateri, ambayo  ndio  hutumika  kama  njia  ya  kusafirisha  damu kupeleka kwenye  misuli  ya  uume  na  ivyo  kuufanya  uume  usimame

iii.Tatu, punyeto  hupelekea  kuvuja  kwa  mishipa  ya  vena  na  hivyo  kusababisha  damu  kufyonzwa  kwa  haraka  sana  kila  iingiapo ndani  ya  misuli ya  uume  na  matokeo  yake  ni  uume   kusimama  kwa  muda  mfupi  sana  wakati wa  tendo  la  ndoa.

iv. Punyeto  huathiri  mtiririko  wa  damu  kwenda  kwenye  mishipa  ya  uume, kwa  sababu  hudhoofisha  misuli &  mishipa  ya  uume  pamoja  na mishipa ya  ateri  ambayo  ndio  hutumika  katika  kusafirisha  damu kwenda  kwenye  uume

DALILI  ZA  MTU  ALIYE  ATHIRIWA  NA  PUNYETO

Dalili  kuu  za  mtu  aliye athiriwa  na  punyeto  ni  kama  ifuatavyo:

i. Uume  kusinyaa  na  kuwa  kama  wa  mtoto

ii. Uume kurudi  ndani

iii. Uume  kusimama  ukiwa  legelege

iv.Kufika  kileleni  haraka  wakati  wa  tendo  la  ndoa.

TIBA   YA   NGUVU  ZA  KIUME  KWA MTU  ALIYE  ATHIRIKA  NA  PUNYETO.

Dawa   asilia  ya  nguvu  za  kiume iitwayo JIKO  ni tiba  bora  na  ya  uhakika  kabisa  kwa  mtu  aliye  athiriwa   na  punyeto.  Dawa  hii, pamoja  na  mambo  mengine  mengi, husaidia  kufanya  mambio  yafuatayo  katika  mwili  wa  mwanaume  aliye  athiriwa  na  punyeto :

i.Kuimarisha  mishipa  & misuli  ya  uume  ulio  legea na  hivyo  kuurejeshea  uwezo wake wa  asili

ii. Hutibu   tatizo  la  uume  kurudi  ndani

iii.Humaliza  tatizo  la  kusimama  kwa  uume  ukiwa  legelege

iv.Hutibu  na  kuponya  kabisa  tatizo  la  kufika  kieleleni  haraka.

BEI  YA  DAWA  :  Dawa  hii  inapatikana  kwa  gharama  ya  SHILINGI  ELFU  THEMANINI  TU (Tsh. 80,000/=)

MAHALI  INAPOPATIKANA :  Dawa  hii  inapatikana  katika  duka  la  dawa  asilia  liitwalo  NEEMA  HERBALIST  &  NUTRITIONAL  FOODS  CLINIC  lililopo  jijini  DAR  ES  SALAAM  katika  eneo  la  TABATA   MAKOKA    karibu  na SHULE  YA  SEKONDARI YA  MT. ANNUARITE.

Kwa  wateja  wasio  weza  kufika  ofisini  kwetu. Watafikishiwa  dawa  mahali  popote  walipo  jijini  DAR  ES  SALAAM.

Kwa   wateja  waliopo  mikoani  watatumiwa  dawa  kwa  njia  ya  MABASI

Kwa  wateja  waliopo   Zanzibar  wata fikishiwa  dawa  kwa  njia  ya  usafiri  wa boti.

Na  kwa  wateja  waliopo  UGHAIBUNI  watatumiwa  dawa  kwa  njia  ya  POSTA  ama  DHL.

MAWASILIANO :  WASILIANA  NASI   KWA  SIMU  NAMBA  0766  53  83  84.

Kwa  taarifa  zaidi  kuhusu  huduma  zetu, tutembelee  kwenye  blogu  yetu :

www.neemaherbalist.blogspot.com

Credit:Mpekuzi

Read more

on No Comments